«ԱՐԱՐԱՏ» ԿՈԿՏԵՅԼՆԵՐ

Տասնամյակներ շարունակ ֆրանսիական դասական կոնյակների հիմքով պատրաստված կոկտեյլները մեծ սեր են վայելել Եվրոպական և Ամերիկյան հասարակության շրջանում, ծնել քաղցր, թթվային կամ դառը խմիչքների մի հոծ բազմություն, գերել միլիոնավոր կոնյակի սիրահարների սրտեր և դարձել բազում բարերի մենյույի անբաժան մի մասը։ Եվ այսօր, արդեն քսանմեկերորդ դարում, կոկտեյլի մշակույթը վստահ քայլերով մուտք է գործում հայկական իրականություն։ Հայկական կոնյակով, որ մինչ օրս ընդունված էր վայելել բացառապես մաքուր վիճակով, հիմա բազում տաղանդաշատ բարմեններ պատրաստում են հիանալի և իրենց տեսակում յուրօրինակ կոկտեյլների բազում տարատեսակներ։ Դրանցից շատերի շեշտը դրվում է հենց Հայկական ավանդական խմիչքների, ինչպես օրինակ՝ մրգօղիների, փրփրուն գինիների, մինչև իսկ հայկական մուրաբայի և կոնյակի միախառնման նուրբ հմտության վրա։ Ստորև Ձեր ուշադրությանն են ներկայացվում մի քանի յուրահատուկ կոկտեյլներ, աշխարհահռչակ Արարատ կոնյակների հիմքով։ Ի դեպ հարկ է նշել, որ կոնյակը սառույցով խմելը նույնպես հանցագործություն չէ։ SARKLE OF SUMMER Բաղադրությունը՝ Ararat Apricot - 35մլ Ծիրանի մուրաբա - 20մլ Թարմ քամած կիտրոնի հյութ - 20մլ Հայկական չոր փրփրուն գինի - 100մլ 1․ Հարել շեյքերի մեջ մուրաբան, կիտրոնի հյութն ու Ararat Apricot-ը, և կրկնակի քամիչով լցնել շամպայնի բաժակի մեջ։ 2․ Ավելացնել փրփրուն գինին։ 3․ Կարող եք զարդարել կոկտեյլն` ամրացնելով բաժակի եզրին ծիրանաչիր։ PINEAPPLE Բաղադրությունը՝ Ararat կոնյակ - 40մլ Շաքարի օշարակ - 15մլ Կիտրոնի հյութ - 15մլ Արքայախնձորի ֆրեշ - 40մլ Սպիտակ խաղող - 30գ․ 1․ Խաղողը հարել շեյքերի մեջ։ 2․ Ավելացնել մնացած բաղադրիչներն ու խառնել։ 3․ Քամել և լցնել խոշոր սառույցով բաժակի մեջ։ 4․ Կարող եք զարդարել խաղողի հատիկով։ ARMENIAN BEAUTY Բաղադրությունը՝ Ararat կոնյակ - 50մլ Վարդի ջեմ - 20գ․ Ձվի սպիտակուց - 10գ․ Շաքարի օշարակ - 15մլ Ազնվամորու խյուս/ազնվամորի - 20գ․/5 հատիկ Կիտրոնի հյութ - 20մլ 1․ Բոլոր բաղադրիչները հարել շեքերով։ 2․ Մատուցել Մարգարիտայի սառեցված բաժակով։ 3․ Կարող եք զարդարել չոր վարդի թերթիկներով։