Վերջին տարիներին Հայաստանում գինեգործության կտրուկ աճը չէր կարող չհանգեցնել նաև յուրօրինակ տեխնոլոգիաների և մոտեցումների կիրառման։ Արդյունքում վերջին շրջանում մեծ տարածում ձեռք բերեց կարասների մեջ հնեցման դարավոր տեխնոլոգիան։ Այն, ինչն առաջին հայացքից թվում է բացառապաես կոմերցիոն քայլ, հանգեցնում է իրապես յուրահատուկ գինիների արարման։ Ոլորտի լավագույն վարպետներից մեկը՝ «Ոսկեվազ» գինեգործարանի գլխավոր գինեգործ Ժան-Պոլ Բերգերը, վստահեցնում է, որ գինին կենդանի օրգանիզմ է, և ինչպես անհատի զարգացումը կարող է գնալ այս կամ այն ճանապարհով՝ կախված միջավայրից, նույն կերպ մետաղական չժանգոտվող տարաների փոխարեն հսկայական կավե կարասների մեջ գինու խմորումը հանգեցնում է լիովին այլ՝ ուրույն գինու ստեղծման։ Գինու վերջնական համը կարող է փոփոխվել՝ կախված կարասի չափսերից։ Այսպես օրինակ՝ «Զորահ» գինեգործարանում «Երազ» տեսակի գինու հնեցման համար օգտագործվում են տարբեր տարողության կարասներ, որոնց մի մասը թաղվում է սառը հողի մեջ։ Կարասներից ամեն մեկը հաղորդելով իր ուրույն բնութագիրը գինուն՝ ստեղծում է համային աննկարագրելի հարուստ մի փունջ։
Alco Hall կայք մուտք գործելու համար դուք պետք է օրինական ըմպելիքի տարիքում լինեք ձեր բնակության երկրում: